TheDeath

標題: 搶人血果個仲惡過比人搶血果個？ [打印本頁]

---

作者: loveching    時間: 2015-3-24 23:40:45     標題: 搶人血果個仲惡過比人搶血果個？

由我係上年九月開始玩番heat project呢個遊戲之後 一直都有keep住玩落去 無停過 玩番都已經有大半年 係玩番呢大半年既期間 成日都會見到有個團叫 藍藍天空高掛我的夢，本來覺得個團啲人好多都識玩 街場入面成日都拎頭幾名 咁當然 都有啲人係例外 因為未必個個都有咁勁 一直以黎 就算聽到朋友或者其他人講呢個團啲乜野 白眼 外掛 自描 我都無點對呢個團反感 因為聽返黎既野 未必係真相 咁我都對佢地無乜野 有時打內戰都會見到啲藍藍天空 咁都會一齊分人一齊打 但係今日 我對藍藍呢個團 開始反感 。點解？ 係我玩返呢個遊戲既呢段日子入面 我曾經見過無數人搶人血 又或者比人搶血 唔理果個人係特登又好 無心又好 食完個血之後見到人地小血過你 點都會講返句sorry，但經過今日 我真係大開眼界， 係大概夜晚九點幾 我上左hp 入左個沙1場 去左b隊 同一個藍藍天空團既人一隊 佢叫Geography 係唔係佢本人玩緊我就唔清楚 不過佢話個ac有幾個人玩既，呢啲唔重要  咁係我地岩岩開始既幾回合 我係外血比人射到無血 就行去長血食血 因為外血比人食左 好似都係搶我血果個人食左個外血 我唔肯定 跟住我行去長食血既時候 Geography係我前面 亦都去緊長血 當時佢237血 同我都係1樣260血滿血 而我 得5x血 我見到佢好似想食血 我當然係佢後面不停用槍射佢 想話比佢知我小血過佢 點知佢零反應 食完個血之後行上長門 經過既時候佢望住我的 講真 食左個血其實無乜咁大不了 但佢連正常人會都會講既一句sorry佢都無講 就咁就走左去 我終於忍唔住 跟住我踢佢， 可能佢個團出名 又或者佢多人識啦  除左我之外 全部人幾乎都係投F11(反對票） 踢唔到佢之後 我就同佢講 你237血都仲要食血 食完血見到我咁小血 連sorry都無句 本來以為佢唔會出聲 如果佢唔出聲 咁我都無可能再嘈落去 不過佢有回答我 佢答左我一句 關你能事咩？ 其實我想問 你食左我個血 又點會唔關我事？跟住 佢又話我咁執著把能咩？其實唔係執唔執著既問題 你與其講咁多野 點解唔慳啲時間打句sorry去結束呢個話題 繼續開心咁打機? 其實我自己有時都會食左人個血 無論有心又好無心又好 講句sor真係咁難@@? 佢無講 唔緊要 但係有咩理由仲惡過比人搶血果個?仲爆哂粗？呢啲都算 之後有幾個應該係佢既朋友又或者係佢既團友 不停煩我 問我打唔打團戰 又係度笑我個名 佢地話就算打團戰我都係後補 因為我遊戲入面個名叫後補情人 真心想問其實佢地係咪真係咁無知 唔知呢個名係1個歌名? 就算我真係同你打團戰 我當你地贏我18比0 我想問 團戰 代表到啲乜野？係咪你地贏左就當無搶過血無事發生過？抑或係代表勁過我就可以搶我血？真係唔明依家啲人咩心態 我係呢度開post 唔係話想要唱佢又或者投訴佢 我只係唔抵得有啲人唔講道理 自己唔岩仲聲大夾惡而已。

---

作者: wick06    時間: 2015-3-25 00:20:13

對我泥講 藍藍團就係世代團

---

作者: y1994101    時間: 2015-3-25 00:21:20

有時見到D紅條低血過我都唔知食唔食好
比佢食完血咪又係沖去死
但食左佢個血又唔係咁好

---

作者: loveching    時間: 2015-3-25 00:35:25

紅條果啲另計吧？好似玩左2回合 我排緊第3定唔知第2 殺3死0 打到殘血番去回下血 點知就發生啲咁既事 跟住一直至到第十回都無乜心情再玩落去，不停比人叫我團戰 又呢樣又果樣，

---

作者: loveching    時間: 2015-3-25 13:05:34

wick06 發表於 2015-3-25 00:20
對我泥講 藍藍團就係世代團

如果你有同世代既人玩過 打過內戰 你就唔會咁講 世代啲人一定比藍藍天空既人好得多@@..

---

作者: nickgggg    時間: 2015-3-25 14:51:23

藍藍天空係咪=超人既歌呢? 銀xxxx?

---

作者: 11068    時間: 2015-3-25 16:47:46



首先,佢話關你能事咩？不停煩你 問你打唔打團戰 又係度笑你個名,我就真係佢地唔係幾岩
不過,其實規矩冇話血係少血d個個人食,係玩家自己定出尼的,所以搞到有搶血問題
所以,GM可以諗下點解決以後既搶血問題,例如
del曬全部地圖既血 (我記得變電站係冇血食,咁就冇搶血問題)
開個新技能補血?
食血新模式?食血個血唔會消失,而係每人計時,例如A食血,個血唔消失,而係A補血+開始計50秒(例如),50秒後先再可以食
規定血係少血d個個人食,違反可踢可ban?
見到樓主打一大堆經文,一定用左好耐時間,佩服佩服,令小弟都亂打一堆,
希望GM解決問題,祝樓主打機開心
想當年初初玩得幾開心,可惜依家大部分既post都係關於投訴,外掛
[attach]28725[/attach][attach]28724[/attach]

---

作者: y1994101    時間: 2015-3-25 18:15:40

打故冇血食A隊都幾難贏到

---

作者: 不求人    時間: 2015-3-25 20:10:53

其實heat project 無rule講過邊個少血就邊個食先
佢比你食係個人情
佢唔比你食係個道理 (先到先得)
以上純碎個人意見 不喜勿插
PS: 本人非藍藍團團友

---

作者: y1994101    時間: 2015-3-25 20:37:13

不求人 發表於 2015-3-25 20:10
其實heat project 無rule講過邊個少血就邊個食先
佢比你食係個人情
佢唔比你食係個道理 (先到先得)

不過樓主個CASE佢食個血都只係回到23血
佢好似自私左D WO
其實259血食血都吹佢唔脹

---

作者: loveching    時間: 2015-3-25 20:48:51

11068 發表於 2015-3-25 16:47
首先,佢話關你能事咩？不停煩你 問你打唔打團戰 又係度笑你個名,我就真係佢地唔係幾岩
不過,其實規矩冇話血 ...

你都有你既道理 不過我只係想公平一啲 問心 如果佢打緊既係團戰 或者內戰 你估佢仲會唔會食左果個血? 我相信唔會.

---

作者: Tungmui    時間: 2015-3-25 22:20:02



你好呀~
我係Tungmui 呀~
咁根據你既標題 同你既意向
簡單d黎講你係剩係想講搶你血果個Geography 仲惡過你??
咁先講呢個問題啦~
第一 你應該要知道 食血 食無話 低血食先
你講到 個血係你既
但係留意返
比你食就係同情你 人情
唔比你食係正常 有邊個玩hp 係會想自己死嫁??
你話佢237 血 食果23血不如唔好食?
但係比人爆頭 剩1血既 都會有可能 咁 果23血 都應該對佢本人黎講幾重要
咁根據正常道理黎講 係應該唔洗同你講sorry 嫁wor

好啦 咁你話到自己好慘 好慘 真係好慘
跟住我地問你團戰??
但係其實留意返 ??
好似係你話 geography 同你地打內戰 就負數 打街埸就第一名
係到扮"Hi"哂勁
咁其實 係你都有爆哂粗 Hiu我地嫁可??
咁係你 話geography 打團戰就廢 打街埸就扮 Hi哂勁咁
咁我地先至唔滿意 問你打唔打團戰 睇下你打團戰有幾勁姐
唔好skip 左咁多自己既衰野 剩係係到講到自己好慘 講到自己好廢 唔夠外血果個人打 比人射到5x血
就全世界 d 血都係"你既""
好好好

另外 你話可能個團出名 or 佢多人識 所以全部人基本上都投f11
但係其實你真係要留意返 個血唔係你嫁
"搶血" 就等如 d人踢波 話 Hi"波打手 "炸wor 痴Hiu
但其實 係唔存在嫁 醒下啦

再者 你話 我地串你後補情人 但係我地傻的嗎到 連後補情人係歌名 都唔知
但係 我點知你會用歌名黎做你自己個名姐
咁打機 我明我明 係想型d既 咁係我地傻的嗎 直接translate 左你做候備既
仲有呢 你係咪打錯字?? 你個名好似叫候補情人 唔係後補情人
咁我又唔否認果陣係串緊你
咁我又唔覺我係果d好有禮貌既人
你踩親我條尾 我緊係十倍奉還 仲唔昨天上天花板??
咁又咁岩 你個名又咁好fit 寫到明後補 仲唔食住上??

咁好啦 你提到我地藍藍天空 "被"人認為係外掛 自描 透視
咁其實你提出呢個點係真係離Hi{罩嫁wor
你係咪想透過提出藍藍天空 "被"人認為係外掛自描透視
呢個所謂既負面型像
再連帶落去geography 係藍藍天空 所以 geography 係Hi Hi 呢個形像
而再反之透過  自己比人射到5x 血 好慘咁 比geography 食左 所謂既"自己個血"
但其實個血根本唔係"你"既 呢個所謂你認為既道理 同埋 skip 左自己話
geography 內戰就負Hi{ 街埸就扮Hi{勁呢句 既野去 屈佢係Hi Hi  講到自己好無辜咁
去講 藍藍天空d人 真係死Hi Hi
咁要澄清返 我地打其他團 比人炒過 輸過 如果真係自描 透視 外掛 咁gm 你封我啦~

em... 之後你又提到 我地團戰win你18比0 又如何??
咁其實引用返 你係街埸提到既"內戰就負Hi{ 街埸就扮Hi{勁咁" 呢句
我地win到你18比0 其實係代表到d野
咩野? 咪就係我地唔係扮Hi{勁 係至小係你面前唔止win你10比8 係炒足你18回合
咁如果你可以正數 / 平數 而唔係 透過 退出 再加入 / 彈game!! 去令到自己正數既話 咁我都覺得你唔錯既 但輸18比0 係核突小小咁啦~

咁你又話 你其實想玩hp 係開開心心
咁我都認同既
但係其實唔知有冇發覺hp 己經變左質??
最好玩既軍團戰 己經發展到 日打內戰夜打內戰
以前d人係為自己個團打團戰 而家d人係為左團戰而打團戰
咁其實同呢個 小人version 既街埸 同唔係打沙 mk 故宮 既街埸係冇分別嫁wor
咁唔同人有唔同人既見解既
我自己就唔鍾意同d唔識既人夾既
打團戰 係因為6個都係團友 都係識既 咁戰術運用 配合 一定會好過6個唔識既
咁我永永遠遠都覺得 點解我6個人一隊 要1個1個咁同你地打 唔兩個一齊夾死你咁傻的嗎??
咁內戰就永永遠遠 都訓練唔到配合 呢樣野 永永遠遠都係唔知同邊個一隊
根本就唔會練到團隊呢樣野 練到既 就係點樣先可以拎到第一 點樣先可以死小d 有咩位可以 camp死多d人
咁自自然然 就d團越黎越個人 d人都越黎越打自己 咁就會自己日日打埋d內戰 就例如野台妹 兒童樂園
其實佢地唔係唔夠我地打嫁 係未同自己隊友夾到炸嘛
佢地個人技術唔會差得過我地去邊嫁
係打團戰 6個打自己 同6個一齊打 己經好大分別
唉 太多野啦 物是人非呀 我玩左hp 都有8年喇 原原本本 日日打團戰 都好興奮 而家要求人團戰咁
1輸團戰好似無左條生命咁 我就真係未驚過輸
輸既話咪姐係技不如人 如其唔同佢打 活下自己"以為"自己好勁既內戰入面
點解唔打多d團戰 搵幾個戰友一齊玩 夾多d 提升自己既實力呢
可能我真係感受唔到 唔明你地打內戰 其實係唔夠同5個自己好fd既戰友 win 果種感覺好啦~

請回 候補情人~

---

作者: wick06    時間: 2015-3-26 00:01:39

http://thedeath.org/forum/forum. ... &extra=page%3D1

---

作者: wick06    時間: 2015-3-26 00:24:31



o 你最後尾講 d團越泥越廢  d人都越泥越廢 就會自己打埋d內戰
其實你有冇諗過 做咩我地要內戰而唔比街人入泥打or唔同某些團打團戰？
其實你地勁過人地 就話人地廢 其實呢個世界一山還有一山高 你地都唔係最勁果批


我打機為求開心同解悶 我就唔想打內戰or團戰 見到d外掛狗 搞到心情大差
贏唔贏 勁唔勁 對於我泥講就其次 就算輸左都冇問題 就只係唔想同d外掛狗打
每個人追求既野都唔同 你跟本冇資格話人廢

---

作者: Tungmui    時間: 2015-3-26 00:31:11

wick06 發表於 2015-3-26 00:24
o 你最後尾講 d團越泥越廢  d人都越泥越廢 就會自己打埋d內戰
其實你有冇諗過 做咩我地要內戰而唔比街人入 ...

可能我字眼上你會覺得我話人廢
唔好意思 我意思係想講
打團戰 原意應該係為團而打 為左同自己 D FD 一隊 一齊夾打WIN 人地
我都有講到 打團戰我地輸唔小
我都成日講 如果我地係外掛既話 咁炒我地果D係咩??
我都唔會話佢地外掛 因為真係技不如人
我剩係會同隊友打多D 睇下會唔會夠佢地打 而唔係去開內戰 唔夠打就唔打
係唔夠打 要打到夠打

---

作者: wick06    時間: 2015-3-26 00:43:06



內戰同團戰2樣野泥冇話唔夠打 就會去打內戰
我地自己內戰 係廢事有外掛狗入泥 搞到大家心情差曬
我地唔同某些團打團戰 係因為覺得佢地個底唔好 （好似世代咁）

另外一樣野 打內戰同樣會技術進步 就好似新手打街場咁
團內戰中 可以提升團友合作性 交流技術  
當然 內戰大部分都係果d人 但係有時都會有其他新入團果d人一齊打

---

作者: y1994101    時間: 2015-3-26 00:51:42

其實換過部勁機技術一定大大提升

---

作者: wick06    時間: 2015-3-26 01:00:07

另外關於你地血包問題 我就覺得 排先食先定少血食先
我就覺得同 坐車讓座一樣
如果你一早坐定個位
你見到一個有急切需要坐低既人 你會唔會讓座比佢？
當然 你搭車 大部分人都想坐架啦 籍口 每個人都有
但你係咪真係咁急切要坐 定係可以讓個位比有需要既人？

---

作者: Tungmui    時間: 2015-3-26 01:03:01

wick06 發表於 2015-3-26 01:00
另外關於你地血包問題 我就覺得 排先食先定少血食先
我就覺得同 坐車讓座一樣
如果你一早坐定個位

嗯
你岩!~

---

作者: lpfunggg    時間: 2015-3-26 01:10:12

講外掛外掛外掛
如果真係外掛 gm 是否應該一早封了? 藍藍天空高掛我的夢呢個團啲人是否一早不在呢?
技不如人就別說廢話嘛.

團戰輸贏唔重要. 當然贏係開心.
但係輸 可以同班識既隊友一齊傾點樣可以更好可以打得更加合作
內戰做到嘛?
呢個先係團戰真正既目的 以我角度係咁諗

另外
俾人搶野好緊要嫁喎 啲血你嫁嘛.
仲唔快啲報警 拉返條友?

---

作者: wick06    時間: 2015-3-26 01:27:05

我對於成件事（個人睇法）
其實唔讓血果個唔係咁好 但又唔可以話佢錯
見到一個就泥死既人 佢都唔讓血出泥
唔理咩場都好 同得一隊都講求合作
佢又唔係急住要食血先唔會死
比人射2槍都未必死
但相反冇血果個 比人射中2槍就死緊 除非話黑星啦

最後 你都可以話 如果佢唔食滿血 比人爆頭就死緊
但我都想講番一點 我相信總計 被中身次數仲多個中頭（全ser玩家加埋 再平均）
當然 都有一定機會中頭 但你比人打中頭 係咪滿血一定唔死先？

最小泥講 你比冇血果d人食血先 最少佢都有番d還擊之力
血都冇 認真難打 除非你快過人地開槍 一槍打死人地

---

作者: loveching    時間: 2015-3-26 01:28:47



你好~ 首先 我話佢237血都仲食 我得5x血 我由頭到尾都無講過食果23血不如唔好食呢句野 我只係覺得我咁小血你多我咁多血你食左個血仲要打句粗口比我咁hiu張 咁你地都講得岩 唔1定要比我食 但係有無必要打句粗口出黎 有無必要咁樣講野？之後~其實我都無提過自己好慘 亦都無覺得過自己好慘 我只係覺得有問題 就要講出黎 你打機 唔會今日on完之後以後都唔on掛？既然大家日後都仲會見到仲有機會會1齊玩 就要正視下呢啲問題  我諗日後都仲有機會會發生同樣既問題 之後我回應返你話我話佢內戰負數 街場就扮hi哂勁果句 其實 係有1個校(野台妹的人)佢見住Geography連殺左4 5個人 之後打左句 嘩 白眼咁  然後有1個紅條 (應該係你地朋友/團友）就話Geography佢係聽聲 又話佢好勁，跟住隻校覺得紅條好煩 就踢佢 都係踢唔到 跟住我先出聲話 佢勁你都講得出 想唔幫個校f12你都唔得 跟住我再講 佢係勁既 街場就拎頭幾名 內戰就負數負到onxx  而我並唔係好似你講到咁既意思 你話我爆哂粗 除左佢內戰就負到(onxx)呢個形容詞之外 我好記得我係無打過其他粗口 又何來爆哂粗？如果我記錯既話你可以同我講返  同埋我覺得我講既都係事實 我同藍藍打團戰 我計最近果三次啦 Geography都係打狗 而且完場都係負數 至於你話佢既ac有幾個人玩 咁我當然唔知啦 我一開始無講出黎既原因係 我覺得如果佢果刻無回我一句關你能事咩既話 跟住落去既對話我諗唔會發生 你係上面都有提過 人地踩親你條尾 你一定會十倍奉還 其實我想講 我都係 係果場沙一入面打緊既時候我依然覺得佢搶左我血仲要咁講野 咁我都當然會講番啲野黎踩番佢 但我講既係事實黎  無可否認我係有咁講過 不過我肯定如果佢無彈句關你能事咩比我 我諗之後既所有野一定唔會發生 所以我一開始無提 其實佢打完一句關我能事咩之後 佢比我既感覺係佢覺得佢勁過我 佢就可以食左個血 所以我都炆炆地 成場都無心情玩落去 到左呢一刻反而覺得爭拗緊既好似已經唔再係關於搶血度 而係喺句關你能事咩度咁 我依然覺得如果佢無出聲或者無彈句咁既野就唔會有咁多事發生 好啦 我回應返我提到你地比人覺得係外掛 白眼 自描 我之所以咁講 係想表達一直以黎就算聽到其他人點講你地我都無對你地反感過 但經過琴日之後就反感左 你都見到我係輕輕帶過就算  因為呢啲都唔係重點 如果令到你地有咩誤會既 同你地講句唔好意思 我既意思唔係你地諗既咁樣  跟住到我遊戲名果度 我琴日係打錯左候補做後補 因為打呢段野出黎既時候我係不段諗緊果場沙1入面發生左啲乜野事 你地講過啲乜野 可能咁就入左腦打錯左  至於個名果度 我覺得我同我朋友開呢個名出黎 即使唔係歌詞 都唔會係你地講既意思 我地個名唔係得候補兩個字 仲有情人兩個字 係呢四個字入面黎睇 好難明白你地點解會聯想到打內戰/團戰係後補 又或者後備咁既意思 兩者根本唔相關@@ 再回應返你話 唔夠外血果個人打 比人射到5x血 就全世界啲血都係我.第一 我係喺狗殺完一個人 殺完佢之後 我得番5x血 咁我就喺狗行去外血搵血食 去到已經比geography食左 跟住我係外血行去長血搵血食 一樣都係比佢食左 問心啦 第一個血佢見唔到我 佢食左 好正路 我都唔可以有咩怨言 但係第2個血長血 我已經不停射佢 佢都係食左 行過望住我就走左 咁我先覺得有問題姐 我既意思根本唔係好似你講咁既全部血都係我既咁樣 如果又令你誤會左 再同你講多句唔好意思啦下  跟住到左你句 你地團戰贏我18比0 其實我只係打個比喻 同你地打過幾次團戰 無可否認係輸多贏少 但都有贏過都有正數過而且唔係洗底咁樣正數 同埋我同你地打幾次都無輸過比你地18比0   其實18比0只係一個比喻 因為你地不停問我團戰？？我只係覺得 唔關團唔團戰事 所以唔洗著重係18比0度 最後~果啲係你自己對依家既tdhp既睇法同埋諗法 我唔一一回覆. Btw 野台妹 儿童樂園果d我唔否認 但係我唔認為世代 同Forever青春呢幾個團混合埋d人黎打內戰既結果係同上面果兩個團一樣 同埋 你話同識既人1隊總好過同唔識既人一隊 係 起碼識既都會夾d 至少有rc 有得報位 可能有默契 有時會知道大家想點 但我又想問下 除左真人本身係識既之外 有邊個係你一開始就會識  你唔同其他人玩下夾下 又點會比較到同邊個夾最好？ 最後 你講到儿童樂園 野台妹呢d團咁小圈子 淨係自己團打 玩極都無進步 你地咁睇唔起呢啲團 咁點解我有時又會見到你地藍藍團既人入去呢啲團度打內戰？

---

作者: wick06    時間: 2015-3-26 01:37:58

lpfunggg 發表於 2015-3-26 01:10
講外掛外掛外掛
如果真係外掛 gm 是否應該一早封了? 藍藍天空高掛我的夢呢個團啲人是否一早不在呢?
...

你用外掛就未必立刻捉到架wo
我一早覺得 相見恨晚外掛 但封佢係之後好耐先封
世代都有人被捉外掛 但個團都同樣係到 絕對唔會因為有人用外掛而個個人都消失架wo

內戰輸左個隊 都可以事後檢討輸係邊 唔會只係得團戰做到
好似番學咁 比賽前 都可以自己個班分開2組  進行模擬比賽 檢討合作如何更好
唔會話 上到場同對面班比賽完之後先可以檢討


另外血包問題 冇話搶唔搶 只係你係咪急需要用？
你會唔會讓比 比你更需要果d人用先？
呢加野 反映合作性 同埋會比人感覺自私

---

作者: Tungmui    時間: 2015-3-26 01:47:11

loveching 發表於 2015-3-26 01:28
你好~ 首先 我話佢237血都仲食 我得5x血 我由頭到尾都無講過食果23血不如唔好食呢句野 我只係覺得我咁小血你 ...

thank you 搶血既問題應該大致上解決左喇 因為如果連入面咩情況都唔係好記得就算喇
因為我都唔係埸入面
咁你最尾話世代同...forever 果個 我係認同
可能有小小misconception
因為佢地打既內戰係12個都識
但而家既"紅內"
係等d唔識既人入齊黎打
其實基本上 係完全唔識既d人
同埋我冇點睇低野台妹果d人丫
佢地最勁既幾個 每個人既技術都係唔錯
仲會勁過我地
係唔識配合
但係我想講既係 佢地唔試下將呢最勁既幾個人 合埋一齊 慢慢一齊打外面既團
夾個隊型出黎 就一己話我地外掛... 姐~
咁跟住你話我地藍藍都會入人內戰
咁我自己升左上將之後就應該好小好小入內戰room 喇 except 12個都係藍藍
但我d團友都會按奈不住咁樣入去紅內玩下
因為佢地好悶掛 我又唔係好清楚佢地既心路歷程wor

感謝你有禮貌既回應^^"

---

作者: redbean    時間: 2015-3-26 02:02:02

wick06 發表於 2015-3-26 01:37
你用外掛就未必立刻捉到架wo
我一早覺得 相見恨晚外掛 但封佢係之後好耐先封
世代都有人被捉外掛 但個 ...

雖然我唔知藍藍個團開左幾耐,
但係∼我由１２月開始玩番,就入藍藍
到ｅ家,玩既都係一直呢班人
都仲未見到有藍藍既人因使用外掛程式而被封.....
...下刪１０００字......
咁會唔會消除到你既疑惑。

---

作者: lpfunggg    時間: 2015-3-26 02:14:51

wick06 發表於 2015-3-26 01:37
你用外掛就未必立刻捉到架wo
我一早覺得 相見恨晚外掛 但封佢係之後好耐先封
世代都有人被捉外掛 但個 ...

都係果句 清者自清
有證據既就搵吧.不過搵到先啦下.更本無可能:)
我係藍藍團既人 我都有負數 團戰 又負過好多次.
我既團友;都唔會理殺敵殺得幾多. 自己死無所謂 引到敵人出泥俾我地殺. 當然好彩既自己米唔洗死.
殺敵睇得好重要大部份都係得果班外掛使用者既人用.

初頭我都係睇殺敵好重要既人 想殺多啲唔理贏唔贏 以為殺得多就係勁.
但之後加入左藍藍團 招出面團打 我先明白到合作係緊要過殺敵
自己打自己不如同5個隊友合作玩仲開心囉米.

內戰輸左果隊 確實可以事後反省下.但係6個唔識既人 內戰完 之後都散開左 討論有幫助?

血唔再講 相信佢地都解決左:)

---

作者: 666又比人封ac喇    時間: 2015-3-26 02:17:14

---

作者: y1994101    時間: 2015-3-26 02:19:22

乜你地打機打到咁認真咁

---

作者: loveching    時間: 2015-3-26 02:21:16

loveching 發表於 2015-3-26 01:28
你好~ 首先 我話佢237血都仲食 我得5x血 我由頭到尾都無講過食果23血不如唔好食呢句野 我只係覺得我咁小血你 ...

我都想 但我係喺手機copy入黎 好麻煩，同埋 我打完一大段野copy入黎之後 啲字多到連禁回復都禁唔到 搞左勁耐先sd到出黎，

---

作者: y1994101    時間: 2015-3-26 02:23:10

你打左幾耐?????????

---

作者: loveching    時間: 2015-3-26 02:34:34

20分鐘吧 玩兩下clash of kings  又禁出黎打幾句 又禁返入去玩，

---

作者: wick06    時間: 2015-3-26 09:56:09

lpfunggg 發表於 2015-3-26 02:14
都係果句 清者自清
有證據既就搵吧.不過搵到先啦下.更本無可能:)
我係藍藍團既人 我都有負數 團戰 又負 ...

內戰 係講緊儿童樂園內戰 （樓12）
我地團d人 當然認識  就唔會話打完散左去

---

作者: hong2784    時間: 2015-3-26 18:29:05

樓主算啦 人地勁同識人多就算搶你血同踢埋你都得

---

作者: mavericks    時間: 2015-3-27 18:10:32

我都係藍藍既人
有證據就搵啦。。第1內戰。。負數好正常..因為內戰等於玩團隊合作。。。就算你幾Hil都無用。。隊友唔合作。。無意思zz

---

作者: Bluesky    時間: 2015-3-27 21:17:08

mavericks 發表於 2015-3-27 18:10
我都係藍藍既人
有證據就搵啦。。第1內戰。。負數好正常..因為內戰等於玩團隊合作。。。就算你幾Hil都無用 ...

乜你唔識同d陌生人合作?
定係跟本你唔識同人合作 等人carry?
藉口一堆

---

作者: mavericks    時間: 2015-3-27 22:31:31

你同d 5隻陌生人合作我睇你carry唔carry到。。仲要無rc既
做乜新開ac黎串我呀？你唔係驚呀？

---

作者: Naive    時間: 2015-3-28 00:17:43

即係咁 我個人認為呢件事



too long, didn't read

---

作者: lpfunggg    時間: 2015-3-28 00:36:40

Bluesky 發表於 2015-3-27 21:17
乜你唔識同d陌生人合作?
定係跟本你唔識同人合作 等人carry?
藉口一堆

借口？？定你未打過團？
同5個唔識既人 無RC 打沙2
你合作俾我睇 歡迎簡勁少少既團：）

---

歡迎光臨 TheDeath (http://thedeath.net/forum/)

Powered by Discuz! X2