咸檸七

king

我：唔該一杯咸檸七。

大嬸：無架wor。

我：咩無姐，你個餐牌上面寫住。

大嬸：邊到呀？

我：咸檸檬七喜。呢到呀！

大嬸：咁要凍定熱呀？

我：梗係凍啦！七喜邊有熱架.......

十分鐘後.......

我：我杯野點呀？

大嬸：你要果杯係咪即係凍檸茶？

我：唔係，係咸檸七。

大嬸：唔知係咩，應該無賣。

我：咩呀？你去問下佢咩叫咸檸七！！(事頭婆在佢身後。)

事頭婆：咩呀？七喜同埋櫃頂果樽咸檸檬囉。你夾一舊檸檬放落杯，比罐七喜咪係囉。

大嬸：我比左七喜佢架勒。

五分鐘後......，終於去夾檸檬，轉頭望望我，舉一舉個杯，好細聲唔知講乜，我就答佢：係呀，岩勒！

轉頭佢倒左一杯滿既熱水落去...........

我：喂！喂！唔駛加水呀！！！

全餐廳聽到，老細伸個頭望一望，

老細：有無搞錯，邊有可能加熱水架...............




真人真事發生......