早餐趣事

Melancholy

今日...我同網上既人玩左成晚"三國殺", 玩到四點鍾先收手唔玩
之後就打左場LoL.. 好辛苦地贏左 成功感超大                              (自我感覺良好!?
咁之後我就休息左一陣就叫醒呀妹一齊去茶餐廳食早餐
我同佢就沖左個靚涼就出門口了~                                               (閃光彈!?

我地就六點鍾左右出門口, 其實已經早左出門 因為我地平時都係六點半左右先出門口
點解六點半出門? 理由好簡單 因為有比較安靜既坐位可以坐  

六點鐘過小小已經到達我所講既茶餐廳, 心情超級開心 因為我已經餓到就快變傻仔
唯一不足既地方就係無得坐平時坐開既位, 因為太過早既關係所以依間茶記有一半坐位係無開放比人, 要接近七點鍾先至比入另外一半坐位
既開心又失望既我地搵唔到一個安靜小小既位坐.. 搞到要坐o系茶餐廳既中心位置...如無意外依個位置係最嘈既位置..
咁都就算啦...我地坐低左之後就叫野食啦, 之後我呀妹唔記得帶headphone 搞到一個headphone要兩份聽..
仲要一路聽住d人嘈生哂 一路聽住自己鍾意聽既歌.. 心情有點憂鬱

我地等等下野食既時候發現有人大聲咁講粗口...
「四眼仔, 你望乜_野呀」
原來係一位道友同茶記伙計講既
「無...」四眼仔咁樣應番佢..
「眼掘掘咁_樣」道友依然無視條友所講既野
因為四眼仔講野太細聲所以聽唔清楚, 不過個死道友講野就大聲到成個茶餐廳都聽到
之後我地就無視佢就算, 亦同時我地叫既野食都到左
「我依加_你Auntie呀...」 特然之間個道友問候伙計個Auntie
「你又_乜野Auntie呀 死道友」四眼仔超串地回應
特然之間佢地嘈嘈下就出手打起上尼

我眼見一秒鐘內有好多人走開左一二邊, 而我地就好似無事發生過一樣招樣食野
由於我地位置直情係茶記既中間.. 所以佢地打架既時候小不免撞到我地張餐檯, 所以都幾煩膠下..
食食下野既時候我發現佢地兩位直情係打到訓o系地下打架..個位置仲要o系正我地格離
「打架還打架..我地仲食緊野 唔該唔好撞到張檯」我呀妹如此霸氣地出聲
之後就唔知點解有兩位警犬出現處理佢地打架...仲要o系正我地格離處理
同時我地都食完野..比錢埋單既時候收銀條友就話
「真係唔好意思..左住你地食野」
「不過咁既情況你地都仲食野...你地唔怕佢整親你地咩?」
「算啦...唔洗唔好意思 下次我地係想坐番入面果d位.. 果到比較靜同都幾鐘意 」我又如此霸氣地說道
「哦..係既係既」


就係咁~ 我地不失霸氣地食早餐..

hkgben

加甜
講多d妹妹

19him

就咁就不失霸氣食左個早餐 LOL

`NewBie

樓主洗唔洗咁霸氣= =

十四

圖呢?

我是個美女

有幾趣請比趣

YuSanG:D

冇圖你話張學友同劉德華打架都得啦

最愛還是你~

冇圖好難繼續討論洛去lor

洪卓立

係咪高登潮文黎